Кьулан вацlув- чун кьулаба,Пайиз туна хуьрни уба.
Авай кlус фу нез кьураба,
Бинеди* гьикl хьуй къураба?
Лезги эл хьиз кайи вацl.
Зи хайи чил хайи вацl. Вадим Адилов13 ноя 2015ღ BESTI - N ღЗИ ХАЙИ ЧИЛ ХАЙИ ВАЦl
Кукlушрай на къачур бине,
Виридлай заз язва вине.
Акl я хьи заз дидед гине
Авайди хьиз куьгьне пине,
Гъуцари чаз гайи вацl.
Зи хайи чил хайи вацl.

Я садзамач Къуба,Куьре,
Я чlал амач лезги хуьре.
Ягъийрин кlуф хьанва гъуьре
Къилихар гвай шумуд жуьре,
Рикleриз тlал гъайи вацl.
Зи хайи чил хайи вацl.

Кьулан вацlув- чун кьулаба,
Пайиз туна хуьрни уба.
Авай кlус фу нез кьураба,
Бинеди* гьикl хьуй къураба?
Лезги эл хьиз кайи вацl.
Зи хайи чил хайи вацl.

Чи жаллатlри бахт кьурурай,
Халкьдин кьисмет бес гьикl хьурай?
Жаваб це заз квахьай кьарай,
Им язва зи руьгьдин гьарай,
Рикlе дердер цайи вацl.
Зи хайи чил хайи вацl.

Атанва зун мад ви кьерел
Ифин алаз чандин хирел.
Ацукь хьана зун кьве метlел,
Рикlин гафар къвезва мецел,
Халкь кьве патан хьайи вацl.
Зи хайи чил хайи вацl.
Вадим Адилов.
Бинеди - бинедин кас, чкадин агьали- абориген.

• Класс! 1
  
• Ответить
  

фикрет хидировБаркалла, Вадим стха! Хъсан шиир я. Лезги халкьдин кьисмет туькьуьл,татугай, къакъатай, чк1ай  гьалда ава. Гележекдик умуд кутунин ччара я авайди...

• 
  
•